Bombola e gazit shpërthen në Tearcë — një i lënduar
një person përfundon në spital; policia heton për zbardhjen e ngjarjes
TETOVË — Një bombol gazi ka shpërthyer në orët e hershme të mëngjesit të sotëm në fshatin Tearcë, duke lënë të lënduar një person. Sipas informacioneve që njofton Tema.mk, personi i lënduar ka marrë ndihmën e parë në vendngjarje dhe më pas është transferuar me autoambulancë në Spitalin Klinik të Tetovës për trajtim mjekësor.
Në vendin e ngjarjes kanë intervenuar me kohë ekipet e zjarrfikësve, të cilët kanë arritur të vënë situatën nën kontroll dhe të parandalojnë përhapjen e mëtejshme të zjarrit. Gjithashtu, në vendngjarje kanë dalë edhe ekipet e policisë, të cilat po kryejnë hetimet për zbardhjen e plotë të rrethanave dhe shkaqeve që çuan deri te shpërthimi i bombolës së gazit.
Burim: Tetova Sot, https://tetovasot.com/2026/08/shperthen-bombola-e-gazit-ne-tearce-nje-person-perfundon-ne-spital-ja-detajet/
— Redaksia ZHURMA