Si e shlyeu Shkupi eurobondin 700 milionë euro të vitit 2020?
Ministrja e Financave njofton shlyerjen e plotë të obligimit ndaj investitorëve, pjesë e 4.6 miliardë eurove detyrime të shërbyera që nga marrja e mandatit.
SHKUP — Ministrja e Financave, Gordana Dimitrievska-Koçoska, njoftoi se është kryer pagesa e eurobondit të emetuar në vitin 2020 në vlerë totale prej 700 milionë eurosh. Fondet u paguan javën e kaluar dhe sot kanë mbërritur në llogaritë e investitorëve.
Detyrimi u planifikua që në janar të këtij viti, sipas dinamikës së Buxhetit 2026. Që nga marrja e mandatit, qeveria ka shërbyer detyrime në total prej 4.6 miliardë eurosh.
Dimitrievska-Koçoska premtoi vazhdimin e "menaxhimit të përgjegjshëm të borxhit publik" dhe uljen graduale të deficitit buxhetor, ndërsa theksoi si prioritet ruajtjen e financave të qëndrueshme dhe sigurimin e fondeve për investime.
Burim: Telegrafi
— Redaksia ZHURMA