Sherri në shëtitoren e Shëngjinit lë një të plagosur
Një person mbetet i lënduar, policia heton një person
Redaksia ZHURMA · · Përditësuar · 1 min lexim
SHËNGJIN — Një person ka mbetur i plagosur pas një sherri të ndodhur mbrëmjen e sotme pranë shëtitores së plazhit në Shëngjin. Sipas informacioneve paraprake, konflikti ka ndodhur në një zonë të frekuentuar nga pushuesit. I plagosuri është transportuar me urgjencë drejt Spitalit Rajonal të Lezhës, ku po merr ndihmën mjekësore, njofton TCH.
Policia ka shoqëruar një person në komisariat në lidhje me ngjarjen, ndërsa grupi hetimor vijon veprimet për zbardhjen e plotë të rrethanave dhe motiveve të konfliktit. Burim: Sinjali
— Redaksia ZHURMA
