Serbia premton vazhdim dialogu me Kosovën me 'kushte të përshtatshme'

BRUKSEL — Ministri i Jashtëm serb, Marko Gjuriq, u takua sot me Drejtorin e Përgjithshëm të Drejtorisë për Zgjerim të BE-së, Gert Jan Koopman. Në fokus të bisedimeve ishte dialogu në mes të Kosovës dhe Serbisë.

Gjuriq deklaroi se Serbia “mbetet e përkushtuar për të vazhduar dialogun me Kosovën kur të jenë kushtet e përshtatshme”, raporton Express. Ai shtoi se politika e zgjerimit të BE-së duhet të mbetet ndër prioritetet e institucioneve dhe shteteve anëtare.

Formulimi “kushtet e përshtatshme” nuk është sqaruar nga Gjuriq, duke lënë pa përcaktuar se çfarë duhet të ndodhë para se Beogradi të rikthehet në negociata.

Burim: Gazeta Express
— Redaksia ZHURMA