Deri kur do të qëndrojë Lionel Scaloni në krye të Argjentinës?
Trajneri i kampionëve të botës ka arritur një marrëveshje verbale për të udhëhequr skuadrën deri në vitin 2031.
— Lionel Scaloni pritet të vazhdojë në krye të kombëtares së Argjentinës deri në vitin 2031. Sipas gazetarit Diego Monroig të ESPN Mundial, trajneri dhe Federata Argjentinase të Futbollit (AFA) kanë arritur një marrëveshje verbale për rinovimin e kontratës, përpara nisjes së ekipi drejt Shteteve të Bashkuara.
Pavarësisht marrëveshjes, Scaloni ka kërkuar që diskutimete zyrtare të shtyhen pas përfundimit të Kupës së Botës 2026. Qëllimi është që skuadra të mbetet e fokusuar plotësisht te mbrojtja e titullit botëror, pa u shpërqendruar nga çështjet administrative.
Bilanci i trajnerit që nga viti 2018 është mbresëlënës: 72 fitore, 18 barazime dhe vetëm nëntë humbje në 99 ndeshje. Nën drejtimin e tij, "Albiceleste" fitoi Kupën e Amerikës në vitet 2021 dhe 2024, Finalissima 2022, si dhe Kupën e Botës 2022 në Katar.
Ndeshja e radhës ndaj Cape Verdes në fazën e 1/16-ave do të jetë ndeshja e 100-ta për Scaloni në detyrë. Nëse rinovimi finalizohet, ai do të udhëheqë ekipin edhe në Botërorin 2030, i cili do të shënojë 100-vjetorin e kompeticionit me ndeshje hapëse në Argjentinë, Uruguai dhe Paraguai.
Burim: Gazeta Express
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.