Argjentina lë bosh fanellën me numrin 10 pas tërheqjes së Lionel Messit

Kombëtarja e Argjentinës ka marrë një vendim të veçantë lidhur me fanellën ikonike me numrin 10, e cila për vite me radhë është mbajtur nga Lionel Messi. Sipas raportimeve të mediave, përzgjedhësi Lionel Scaloni ka vendosur që asnjë futbollist të mos e bartë këtë numër në dy ndeshjet miqësore të muajit nëntor.

Ky vendim vjen pas tërheqjes së Messit nga futbolli ndërkombëtar në muajin shtator. Për Argjentinën, ky numër mbart një simbolikë dhe domethënie të madhe, pasi përveç Messit, atë e kanë mbajtur edhe legjenda të tjera të futbollit botëror si Diego Maradona.

Deri më tani nuk është caktuar se cili lojtar do ta trashëgojë këtë fanellë në të ardhmen, ndërsa për ndeshjet e ardhshme ajo do të mbetet bosh.