Sadleva Bodo emërohet në krye të Drejtorisë së Përgjithshme të Burgjeve
Këshilli i Ministrave ka emëruar Sadleva Bodon në krye të Drejtorisë së Përgjithshme të Burgjeve, pas dorëheqjes së Adriatik Kupit.
Redaksia ZHURMA · · 1 min lexim
Sadleva Bodo është emëruar në krye të Drejtorisë së Përgjithshme të Burgjeve, pasi Adriatik Kupi dha dorëheqjen nga ky institucion pas shtatë muajsh në detyrë. Vendimi është marrë në mbledhjen e Këshillit të Ministrave me propozimin e ministrit të Drejtësisë. Bodo bëhet kështu gruaja e parë që merr drejtimin e këtij institucioni.
Gjatë 13 viteve të fundit, në krye të Drejtorisë së Përgjithshme të Burgjeve janë ndërruar nëntë drejtues, nga Artur Zoto deri te Adriatik Kupi. Sadleva Bodo mban aktualisht detyrën e këshilltares së drejtorit të Byrosë Kombëtare të Hetimit. Ajo ka punuar më herët në Ministrinë e Brendshme si drejtoreshë e Drejtorisë së Integrimit Europian, Koordinimit, Marrëveshjeve Ndërkombëtare dhe Asistencës.
Vendimi për emërimin e saj hyn në fuqi menjëherë dhe botohet në Fletoren Zyrtare.
