Sa u rritën çmimet e banesave në Shkup brenda një viti?

SHKUP — Çmimet e banesave në Shkup vazhdojnë të arrijnë nivele rekorde. Sipas të dhënave të fundit të Bankës Popullore, gjatë tremujorit të dytë të vitit, çmimet e patundshmërive janë rritur me 13,3 për qind, krahasuar me të njëjtën periudhë të vitit të kaluar. Në qendër të kryeqytetit, çmimi për metër katror ka arritur deri në 3.000 euro.

Pavarësisht niveleve rekorde, kërkesa për blerjen e banesave mbetet e lartë. Frosina Usinovska, drejtoresha e agjencisë "Dora Invest", thotë se çdo ditë mbi 200 qytetarë e kontaktojnë agjencinë për t'u informuar rreth mundësisë për blerje. Sipas saj, në periudhën e ardhshme nuk pritet ulje e çmimeve, pikërisht për shkak të kërkesës vazhdimisht të lartë në treg.

Usinovska thotë se shumë njerëz i japin përparësi blerjes së shtëpisë pavarësisht kostos, pasi zakonisht duan ta sigurojnë atë me çdo kusht për familjen. "Thonë se do të hanë bukë me kryp e lëng, por banesë për fëmijën tim ose për familjen do ta sigurojnë," thotë ajo. Sipas saj, këtë interes e shfrytëzojnë disa persona, ndërsa qytetarët nuk e kanë traditë të jetojnë me qira, siç ndodh në Perëndim.

Megjithatë, qytetarët e thjeshtë e përshkruajnë blerjen e shtëpisë si ëndërr. Ata thonë se me rrogë ose pension prej 30.000 deri 50.000 denarësh në muaj, është e pamundur të blihet një banesë. Në bisedat me TV Kohën, disa qytetarë thonë se çmimet e kanë bërë aksesin luksoz për familjen mesatare, në kundërshtim me nivelin e pagave në vend.

Burim: Gazeta Express
— Redaksia ZHURMA