Sa afër është marrëveshja për presidentin pas takimit VV-LDK?
Kurti nuk e refuzoi emrin e Vjosa Osmanit dhe premtoi 53 vota pa minoritetet për formimin e qeverisë.
PRISHTINË — Lëvizja Vetëvendosje dhe Lidhja Demokratike të Kosovës kanë arritur një pajtim në parim për bashkëqeverisjen dhe postin e presidentit, ku Albin Kurti nuk e ka refuzuar emrin e Vjosa Osmanit dhe ka premuar 53 vota pa minoritetet për formimin e institucioneve.
Analisti Emanuel Demaj në emisionin "Click" të RTV21 tha se deklaratat e tij bazohen në informacione të sakta nga brenda takimit. Sipas tij, Kurti ka garantuar mbështetje të mjaftueshme për formimin e institucioneve në rast se arrihet marrëveshja politike, duke specifikuar se do të ketë 53 numra pa minoritetet.
Demaj theksoi se përgjegjësia për vazhdimin e procesit tashmë bie mbi LDK-në, e cila duhet fillimisht të zgjidhë çështjet e brendshme. "Nëse LDK shkon në takim me VV-në pa i rregulluar problemet e veta, çfarë takimi është ai? Topi është në fushën e LDK-së", u shpreh analisti.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.