Pse mungon debati për alternativat amerikane në strategjinë energjetike të Kosovës?

PRISHTINË — Kandidati për deputet nga LDK, Berat Rukiqi, ka ngritur shqetësimin për varësinë e Kosovës nga importi i energjisë, duke vlerësuar se vendi shpenzon rreth 250 milionë euro në vit për këtë qëllim. Sipas tij, mungon një debat serioz për alternativa strategjike afatgjata, përfshirë gazifikimin dhe gazin e lëngshëm amerikan (LNG).

Rukiqi iu referua një diskutimi të AmCham për LNG-në, ku përfaqësues të Departamentit Amerikan të Energjisë kanë theksuar: "Siguria energjetike është siguri kombëtare." Ai vuri në dukje se në epokën e inteligjencës artificiale dhe qendrave të të dhënave, energjia nuk është vetëm çështje ekonomike, por edhe "çështje zhvillimi, sigurie dhe sovraniteti".

Burim: Telegrafi
— Redaksia ZHURMA