Rudina dhe Resul Sinani analizojnë lojën e Arlindës në Big Brother
Opinionistët e shtëpisë komentojnë qendrimin dhe marrëdhëniet e Arlindës me banorët e tjerë.
Redaksia ZHURMA · · 2 min lexim
Opinionistët Rudina dhe Resul Sinani kanë diskutuar mbi situatën e Arlindës dhe raportet që ajo mban me banorët e tjerë brenda shtëpisë së Big Brother VIP Kosova 5. Gjatë diskutimit, Rudina vlerësoi qëndrimin e saj për mbrojtjen e mendimit personal dhe respektin ndaj vetes, por i kërkoi që të lërë hapësirë edhe për pikëpamjet e banorëve të tjerë. «Arlinda duhet të superduartrokitet, sepse e respekton veten dhe thotë: ‘Ku është mendimi im?’. Por do të doja nga Arlinda t’i respektonte edhe mendimet e të tjerëve. Ti ke zgjedhur të luash e vetme dhe ke zgjedhur të jesh protagoniste që nga fillimi», tha ajo.
Nga ana tjetër, Resul Sinani u ndal te qëndrimet e banores, duke vlerësuar se ajo bie në kundërthënie me vetë deklaratat e saj gjatë lojës. «Ka raste kur ka një mendim kolektiv, edhe pse nuk mendoj që të gjithë aty e kanë atë mendim. Ti je kontradiktore, në një formë thua se je e vetme dhe më pas u kthehesh banorëve duke thënë se po të lënë vetëm», u shpreh Sinani.