Anjeza ka një mesazh për të dashurin: Të pëlqefsha kështu
Një klip debati mes Fatlumit dhe Anjezës nxit diskutime të reja brenda shtëpisë së Big Brother VIP Kosova 5.
Redaksia ZHURMA · · 1 min lexim
Një debat i zhvilluar mes banorëve ka sjellë sërish në qendër të vëmendjes diskutimet brenda shtëpisë së Big Brother VIP Kosova 5. Gjatë këtij diskutimi, Fatlumi i është drejtuar Anjezës me deklaratën se do ta linte po të ishte ai i dashuri i saj.
Si kundërpërgjigje ndaj kësaj deklarate, Anjeza e ka quajtur Fatlumin të prapambetur dhe ka ndarë detaje rreth jetës së saj jashtë shtëpisë televizive. «Pra, unë e kam lënë shumë rehat. Një letër ma ka prurë. Jam shumë e kënaqur, jam shumë në rregull. Po besoj edhe ai është duke u kënaqur. Por mua nuk e di çfarë më është kapur frajeri. Edhe nëse më lë frajeri, nuk është fundi i botës», ka thënë ajo gjatë bisedës.
Ndër të tjera, banorja ka theksuar se nuk lejon nënshtrimin apo shkeljen nga askush, duke shprehur qëndrimin e saj të prerë: «Veç thjesht unë jam goxha e zonja, nuk e lë të më nënshtrojë kërkush e as të më shkelë. Të pëlqefsha kështu, mirë, mos të pëlqefsha, ka të tjera sa të duash».