Roseanne Barr flet për jetën private të Lisa Marie Presley dhe Michael Jackson

Komedianja Roseanne Barr ka ndarë detaje nga bisedat me mikeshën e saj të ndjerë, Lisa Marie Presley, duke zbuluar se vajza e Elvis Presley-t e konsideronte Michael Jacksonin si partnerin më të mirë intim që kishte pasur. Gjatë një interviste, Barr tregoj se ajo kishte besim të plotë te sinqeriteti i mikeshares së saj, e cila e përshkruante këngëtarin e njohur si dikë që dinte ta bënte të ndihej e veçantë.

Çifti i njohur ishte kurorëzuar në maj të vitit 1994, ndërsa martesa e tyre kishte marrë fund në prill të vitit 1996. Kjo lidhje vazhdon të mbetet në qendër të vëmendjes publike, e shoqëruar edhe nga kujtimet e publikuara së fundmi nga nëna e Lisa Marie, Priscilla Presley, e cila kishte pasur shqetësime fillestare rreth qëllimeve të këngëtarit dhe ndikimit që ai mund të ketë pasur. Nga ana tjetër, vetë Lisa Marie kishte lënë të shkruara kujtimet e saj, ku tregonte se këngëtari i kishte rrëfyer në fillim të lidhjes se ishte ende i virgjër.