Robert Hall dhe Michael Woodford fitojnë çmimin Nobel në Ekonomi 2026

Ekonomistët amerikanë Robert Hall dhe Michael Woodford kanë fituar çmimin «Nobel për Ekonomi 2026» për punën e tyre mbi themelet mikroekonomike të stabilizimit makroekonomik, si dhe për zhvillimin e modeleve ekonomike që përdoren aktualisht nga bankat qendrore, qeveritë dhe ministritë e financave në mbarë botën për stabilizimin e ekonomive dhe menaxhimin e luhatjeve.

Fituesit u njoftuan nga Akademia Mbretërore Suedeze e Shkencave. Çmimi, i njohur zyrtarisht si Çmimi i Bankës së Suedisë në Shkencat Ekonomike në Kujtim të Alfred Nobelit, është çmimi i fundit që jepet këtë vit dhe vlera e tij është 12 milionë korona suedeze, ose 1.2 milionë dollarë.

John Hassler, kryetar i Komitetit për Çmimin në Shkencat Ekonomike, u shpreh se puna e laureatëve ka siguruar një bazë të qëndrueshme teorike dhe ka ndihmuar në moderimin e pikut dhe rënieve në ekonomi.