Khalil Shabazz shpallet MVP i javës së katërt në Superligë

Basketbollisti i Golden Eagle Yllit, Khalil Shabazz, është shpallur lojtari më i vlefshëm i javës së katërt në ProCredit Superligën e Kosovës. Amerikani shkëlqeu në debutimin e tij me fanellën e Yllit, duke regjistruar 32 pikë, katër kërcime dhe tetë asistime në fitoren 95:79 kundër Pejës. Sipas të dhënave, ai pati një indeks efikasiteti prej 31. Përveç kësaj, Shabazz u përfshirë në pesëshen e javës së bashku me Lejson Zeqirin e Bashkimit, Ja’Cori Paynen e Trepçës, Bryson Dawkinsin e Sigal Prishtinës dhe Mika Adamsin e Rahovecit 029.