Rita Ora krenarë për Kosovën dhe Shqipërinë në koncertin e Ohrit
Mijëra adhurues kënduan së bashku me artistinë që u kujtua vizitat e fëmijërisë me familjen.
OHËR — Rita Ora performoi mbrëmën e shtunës në Ohër para mijëra adhuruesve, duke interpretuar hitet e saj më të njohura në një nga koncertet më të mëdha verore të rajonit.
Artistja ndau momente emocionale me publikun, duke u shprehur në gjuhën shqipe dhe duke treguar se vizitoi Ohërin që nga fëmijëria bashkë me familjen. "Jam rritur në Londër, por zemra ime do të jetë gjithmonë në këtë pjesë të botës," tha ajo.
Ora përshëndeti shqiptarët e pranishëm dhe deklaroi me krenari: "Jam shumë krenare që jam nga Kosova dhe Shqipëria. Dua që të gjithë të jemi krenarë për atë që jemi dhe për vendin nga vijmë." Performanca u prit me duartrokitje të forta dhe entuziazëm të madh.
Sipas Insajderit, këngëtarja interpretoi hitet që numërojnë miliona dëgjime botërore, duke krijuar një atmosferë të veçantë gjatë gjithë mbrëmjes. Koncerti konfirmoi përsëri afërsinë e artistës me publikun shqiptar në rajon.
Burim: Albinfo.ch
— Redaksia ZHURMA
