Rikthehet grupi “Akullthyesit” në skenën e Teatrit “Skampa”

Formacioni muzikor elbasanas “Akullthyesit” ka realizuar një rikthim në skenë përmes një mbrëmjeje muzikore të zhvilluar në ambientet e Teatrit “Skampa”. Ngjarja ka sjellë bashkë disa breza shikuesish, të cilët kanë ndjekur interpretimin e këngëve që shënuar rrugëtimin artistik të grupit të themeluar në vitin 1989 me nismën e Bledi Shismanit.

Në këtë shfaqje, zëri i njohur i grupit Ymer Ashiku ka sjellë sërish energjinë e viteve të para të karrierës, shoqëruar nga duartrokitjet dhe pjesëmarrja e të pranishmëve në sallë. Vokalisti është shprehur se formacioni ka kontribuar për qytetin përmes muzikës me ndjenjë dhe tekste që përjetohen nga dëgjuesit. Ndërkohë, drejtori i Qendrës së Artit në Bashkinë Elbasan, Klinton Kapaj, e ka cilësuar këtë rikthim si një çast krenarie dhe vlerësimi për trashëgiminë e krijuar ndër vite.