Cristiano Ronaldo: Jam futbollisti më i mirë i të gjitha kohërave
Ylli portugez deklaron se është më i miri i historisë dhe krahason rivalitetin me Messin me atë të Formula 1.
Redaksia ZHURMA · · 1 min lexim
OHËR — Cristiano Ronaldo ka deklaruar se e konsideron veten futbollistin më të mirë të të gjitha kohërave. Në një intervistë të transmetuar nga CNN Portugal, ku bisedoi me gazetarin dhe mikun e tij, Edu Aguirre, ylli portugez u shpreh se shifrat flasin vetë dhe se nuk njoh askënd më të mirë se ai.
«Jam më i miri i të gjitha kohërave, pikë. Shifrat flasin vetë. Nuk njoh askënd më të mirë se unë. Historia është shkruar tashmë. Mund ta përfundoja karrierën time sot dhe nuk do të pendohesha për asgjë», deklaroi sulmuesi portugez, duke shtuar se biseda ishte zhvilluar rreth një vit më parë.
Gjatë intervistës, Ronaldo foli për krahasimet me Lionel Messin, duke theksuar se të dy kanë shërbyer si burim motivimi për njëri-tjetrin. Rivalitetin e tyre ai e krahasoi me atë mes pilotëve Alain Prost dhe Ayrton Senna në Formula 1. Po ashtu, ai theksoi se nuk ndihet mjaftueshëm i vlerësuar për numrin e golave që vazhdon të shënojë pavarësisht moshës.
