Remi: Koalicioni PDK-VV, mundësi për ta nxjerrë Kosovën nga bllokada

Deputeti i PDK-së, Rrustem Mustafa, ka ripërsëritur thirrjen e tij për një koalicion PDK-VV, duke e cilësuar si mundësi për një shtet normal. Ai ka thënë se një gjë e tillë do ta nxjerrë Kosovën nga bllokada dhe do ta çojë drejt zhvillimit e normalitetit.

Në një shkrim në Facebook, Mustafa ka thënë se VV sjell legjitimitetin, ndërsa PDK sjell balancën, përvojën dhe përgjegjësinë institucionale. Sipas tij, bashkë krijojnë funksionalitetin që i mungon shtetit dhe të tjerët mund t'i bashkohen kësaj zgjidhjeje.

“Koha kërkon përgjegjësi shtetërore, jo fitues politikë”, ka shkruar ai.

Burimet: RajoniPress (Gazete Rajonale Online); Gazeta Express (klaster 2 outlets).