RDA-UBA përfshihet në projektin evropian ITC FOOD

Agjencia Rajonale e Zhvillimit – Ulqin Biznes Asociacioni (RDA-UBA) është partnere në projektin evropian ITC FOOD. Ky projekt realizohet në kuadër të programit Interreg IPA South Adriatic dhe synon të promovojë shkëmbimin e përvojave, njohurive dhe praktikave të suksesshme.

Projekti krijon mundësi të reja për bashkëpunim ndërmjet bizneseve dhe aktorëve të sektorit agro-ushqimor në rajonin e Adriatikut Jugor. Përmes aktiviteteve të trajnimit, nxitjes së inovacionit, transformimit digjital dhe zhvillimit të rrjeteve të bashkëpunimit, ITC FOOD synon të kontribuojë në zhvillimin dhe forcimin e sektorit agro-ushqimor.

Projekti synon të lehtësojë bashkëpunimin ndërmjet bizneseve, institucioneve dhe organizatave kërkimore nga Mali i Zi, Shqipëria dhe Italia.