Kontrolle të BKH-së në paraburgimin e Bradasheshit

Byroja Kombëtare e Hetimit ka zhvilluar kontrolle në ambientet e paraburgimit të Bradasheshit. Gjatë këtyre kontrolleve janë gjetur dhe sekuestruar disa telefona celularë, ndërsa nuk dihet ende se kujt i përkasin pajisjet e gjetura. Dyshohet se BKH-ja kishte marrë informacione për futjen e sendeve të paligjshme në qelitë e paraburgimit, çka ka çuar në zhvillimin e kontrollit.

Mes personave të izoluar në këtë institucion ndodhet edhe biznesmeni Ergys Agasi, i arrestuar më parë me urdhër të SPAK-ut në kuadër të hetimeve për aferën e tenderave të Agjencisë Kombëtare të Shoqërisë së Informacionit.