Ramadan Mehmeti publikon librin e ri “Në horizontin e leximit”
Shkrimtari dhe poeti nga Gjilani vjen me një vepër të re kritiko-letrare kushtuar shtatë personaliteteve të letërsisë shqipe.
Redaksia ZHURMA · · 1 min lexim
Shkrimtari dhe poeti Ramadan Mehmeti ka sjellë para lexuesve botimin e ri të titulluar “Në horizontin e leximit” (Interpretime kritiko-letrare). Vepra i kushtohet analizës dhe interpretimit të krijimtarisë së shtatë personaliteteve të njohura të letërsisë shqipe.
Libri është botuar nga Shtëpia Botuese “Rozafa” në Prishtinë dhe ka gjithsej 250 faqe. Redaktor i veprës është shkrimtari dhe kritiku letrar Prend Buzhala, ndërsa redaktimin gjuhësor e ka kryer Sulejman Dërmaku.
Në këtë botim janë përfshirë shtatë emra të letërsisë dhe kulturës, konkretisht Beqir Musliu, Prend Buzhala, Rrahim Sadiku, Sabile Keçmezi-Basha, Sabit Rrustemi, Sulejman Dërmaku dhe bohemi Mirko Gashi. Përmes këtij udhëtimi kritik, autori ofron këndvështrime mbi veçoritë krijuese, dimensionet estetike dhe botëkuptimet letrare të këtyre autorëve.
Ramadan Mehmeti është një emër i njohur i letrave shqipe në Kosovë, me një krijimtari të shtrirë si në letërsinë për të rritur ashtu edhe në atë për fëmijë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar