Shehaj nxjerr dokumentin sekret nga Kuvendi — Rama e quan 'sorrë vjedhacake'

TIRANË — Deputeti Agron Shehaj nxori jashtë ambienteve të Kuvendit dokumentin sekret të marrëveshjes ushtarake Shqipëri-SHBA, e cila u fut në rend ditën e sotme me urgjencë. Kryeministri Edi Rama reagoi me tone të ashpra, duke e krahasuar veprimin e Shehajt me atë të një "sorre vjedhacake".

Rama kërkoi ndërhyrjen e prokurorisë për t'i treguar deputetit vendin që përcakton ligji për grabitësit e dokumenteve të klasifikuara. Në deklaratat e tij, kreu i qeverisë tha se Shehaj "vjedh një dokument të klasifikuar dhe ia fut vrapit", duke e krahasuar këtë veprim me atë të ballistëve.

Incidenti shkaktoi panikë në parlament. Rama falenderoi Zotin se një vajzë e pafajshme e kapur në panikën e shkaktuar shpëtoi pa dëme serioze. Kreu i Kuvendit i kishte njoftuar deputetët se mund ta lexonin marrëveshjen me SHBA-të në sallën 'Bogdani', pasi është dokument sekret.

Burim: Gazeta Blic
— Redaksia ZHURMA