Si kërcënohen sipërmarrësat për bindimet politike të tyre?

TIRANË — Kryeministri Edi Rama mbrojti sot në rrjete sociale një biznesi familjar turistik në Tropojë, "Chestnut Hill", duke dënuar kërcënimet ndaj pronarëve për shkak të bindjeve të tyre politike. Dy vëllezërit që drejtojnë destinacionin janë përballur me kërcënime për vlerësime negative në platformat online për qëndrimet e tyre politike — një sjellje që Rama e konsideroi të papranueshme.

Rama vlerësoi dy vëllezërit si shembull të punës, përkushtimit dhe sipërmarrjes në një zonë me potencial të madh turistik. "Djemtë e Chestnul Hill-it lart në Tropojë janë dy vëllezër flori, nga një familje e dinjitetshme", shkroi Kryeministri, duke nënvizuar se kanë ngritur biznesin me "stërmundim të madh", duke e kthyer shtëpinë e tyre në një destinacion turistik mbresëlënës.

Rama kritikoi autorin e kërcënimeve si "akademik" — ish-zëvendës ministër në një qeveri socialiste, që sipas tij "paska mbledhur tërë këto vite helmin e mediokrit hakmarrës". Rama theksoi se askush nuk duhet të ushtrojë presion ndaj sipërmarrësve për bindimet e tyre politike.

Kryeministri ritheksoi mbështetjen për zhvillimin e turizmit malor dhe për familjet që investojnë në zonat rurale. Iniciativa si "Chestnut Hill" përfaqësojnë, sipas tij, një model pozitiv për promovimin e turizmit dhe ekonomisë lokale në veri të vendit, duke sjellë zhvillim në vende të mbyllura ekonomikisht.

Rama përfundoi postimin me dramë: "U kam premtuar kaherë djemve te CHESTNUT HILL-it se do u shkoj për të parë një natë hënën nga afër dhe tani erdhi koha, e nga atje lart do t'i çojmë të bashku një mesazh këtij sojit rrumbullaktorollak, që ta marrë vesh tërë dynjaja se ku është e çfarë është CHESTNUT HILL-i".

Burim: ATSH
— Redaksia ZHURMA