Çfarë diskutoi Rama me Macron-in mbi dy orë në Pallatin Elysée?
Kryeministri shqiptar u prit me drekë pune nga presidenti francez, me axhendë integrimin europian dhe samitin e ardhshëm të NATO-s.
PARIS — Kryeministri Edi Rama zhvilloi sot vizitë zyrtare në Pallatin Elysée, ku qëndroi mbi dy orë me Presidentin francez Emmanuel Macron. Takimi u mbajt me ftesë të Macron-it dhe u zhvillua si pjesë e dialogut politik të nivelit të lartë mes Shqipërisë dhe Francës.
Axhenda e takimit përfshiu forcimin e partneritetit strategjik dypalësh, qasjen e re ndaj procesit të anëtarësimit në BE — temë për të cilën Rama ka qenë ndër zërat më nxitës — si edhe samiti i ardhshëm i NATO-s në Ankara.
Vizita e sotme vjen në vijimësi të takimeve të shpeshta: Rama e Macron u takuan zyrtarisht në Paris në prill 2024, në Tiranë në tetor 2023 dhe maj 2025, si dhe rregullisht në formate multilaterale e kontakte telefonike.
Tirana vlerëson rolin e Francës dhe angazhimin personal të Macron-it në promovimin e qasjes së re ndaj Ballkanit Perëndimor. Vizita pritet të riafirmojë vullnetin e përbashkët për thellimin e partneritetit strategjik dhe avancimin e mëtejshëm të integrimit europian të Shqipërisë.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.