Liderët e Ballkanit Perëndimor marrin pjesë në drekën e Kallas në Nju Jork

Përfaqësuesja e Lartë e Bashkimit Europian për Punët e Jashtme dhe Politikën e Sigurisë, Kaja Kallas, ka mbledhur në një drekë në Nju Jork përfaqësuesit e Ballkanit Perëndimor. Në këtë takim kanë marrë pjesë kryeministri i Kosovës, Albin Kurti, ministri i Punëve të Jashtme i Shqipërisë, Ferit Hoxha, presidenti i Malit të Zi, Jakov Milatoviq, ministri i Punëve të Jashtme i Beogradit, Marko Gjuriq, si dhe ministri i Punëve të Jashtme i Bosnjë e Hercegovinës, Dino Konakoviq.

Gjatë kësaj dreke joformale, ministri i Punëve të Jashtme i Bosnjë e Hercegovinës, Dino Konakoviq, ka ngritur çështjen e varrimit të kriminelit serb, Ratko Mlladiq, me nderime shtetërore në Serbi. Sipas njoftimit të Ministrisë së Punëve të Jashtme të Bosnjë e Hercegovinës, stabiliteti rajonal ka qenë në qendër të diskutimit, ndërsa Konakoviq ka theksuar se glorifikimi institucional i kriminelëve të luftës të dënuar nuk mund të shpërfillet në rrugëtimin drejt Bashkimit Europian.

Burimet: Veriu.info (klaster 1 outlets).