Rrahje masive në diskotekën 'Hangover' në Gjakovë
Policia sekuestron një armë zjarri dhe arreston tre persona
Redaksia ZHURMA · · Përditësuar · 1 min lexim
GJAKOVË — Një përleshje fizike mes disa personave në diskotekën 'Hangover' në Gjakovë ka përfunduar me të lënduar, sekuestrim të një arme zjarri dhe arrestimin e tre të dyshuarve. Sipas informacioneve, të përfshirë në incident dyshohen të jenë A.SH, 21 vjeçar, V.SH, 31 vjeçar, T.J, 22 vjeçar dhe Brahim Shala, 60 vjeçar, ndërsa viktima janë S.J. 16 vjeçar dhe B.J, 23 vjeçar.
Të gjithë personat e përfshirë kanë pësuar lëndime të lehta trupore dhe kanë marrë trajtim mjekësor. Me urdhër të Prokurorit Kujdestar, Policia ka kryer kontroll në shtëpinë e V.SH, si dhe në bagazhin e automjetit të tij, ku është gjetur dhe sekuestruar një pistoletë e llojit 'Stoeger', së bashku me një karikator me 15 fishekë të kalibrit 9×19 mm.
Tri të dyshuarit janë dërguar në mbajtje për 48 orë, ndërsa ndaj të dyshuarit të katërt, B.SH, është iniciuar procedurë për veprën penale 'Kanosja' dhe ai është liruar në procedurë të rregullt. Burimi është bazuar në raportet e Sinjalit dhe Epokës.
Burim: Epoka e Re
— Redaksia ZHURMA
