Qytetari në Gjakovë dorëzon në Polici portofolin e gjetur me para

GJAKOVË — Qytetari L. Rudi është paraqitur në Stacionin Policor në Gjakovë, ku ka dorëzuar një portofol të gjetur në rrugën “Bujar Roka”, i cili përmbante dokumente personale dhe 656 euro e 95 cent. Pas hapjes së portofolit në prani të zyrtarëve policorë, dokumentet e gjetura kanë shërbyer për verifikimin dhe identifikimin e pronarit, të cilit i janë kthyer të gjitha paratë dhe dokumentet.

Drejtoria Rajonale e Policisë në Gjakovë ka shprehur falënderime për qytetarin L. Rudi për ndershmërinë dhe bashkëpunimin e dëshmuar, duke e vlerësuar veprimin e tij si një shembull pozitiv të përgjegjësisë qytetare.