Putin u bën thirrje ukrainasve të bashkohen me Rusinë
Presidenti rus Vladimir Putin i ka bërë thirrje popullit ukrainas të bashkohet me Moskën, duke akuzuar Perëndimin për synime nënshtrimi.
Redaksia ZHURMA · · 2 min lexim
Presidenti rus, Vladimir Putin, u ka bërë thirrje qytetarëve ukrainas që të braktisin përplasjen dhe të bashkohen me Rusinë, duke u shprehur se ky është drejtimi i vetëm që garanton një të ardhme më të mirë. Gjatë një interviste të realizuar me rastin e 80-vjetorit të Patriarkut të Moskës, Kirill, kreu i Kremlinit tha se të dy popujt duhet të mendojnë për brezat e rinj dhe të kërkojnë bashkëpunim në një kuptim më të gjerë, pa pasur domosdoshmërisht nevojën për krijimin e një shteti të vetëm. «Ejani në anën tonë. Ejani në anën e duhur të historisë», deklaroi Putin, ndërsa sipas detajeve të tjera nga media sociale, intervista u zhvillua me regjisorin Emir Kusturica.
Sipas presidentit rus, konfliktet aktuale ushtarake nuk duhet të përcaktojnë përfundimisht marrëdhëniet mes dy vendeve, ndërsa ai theksoi se Rusia dhe Ukraina mund të sigurojnë perspektiva më të mira zhvillimi vetëm përmes bashkimit të përpjekjeve. Nga ana tjetër, Putin akuzoi vendet perëndimore se mbështetjen për Ukrainën nuk e kanë në interes të popullit të saj, por e shfrytëzojnë konfliktin për të dobësuar, përçarë dhe në fund për të nënshtruar Rusinë dhe ukrainasit. Gjithashtu, ai sulmoi udhëheqjen e Ukrainës për nacionalizëm dhe nxitje urrejtjeje, duke pretenduar po ashtu se vendi kishte pëunuar deindustrializim dhe rënie demografike shumë kohë para nisjes së sulmeve në vitin 2022.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar