Rruga 'Faik Konica' afron përfundimin — asfalt dhe trotuara në Dizhon

SHKUP — Punimet për rikonstruksionin e rrugës 'Faik Konica' në lagjen Dizhon po i afrohen përfundimit, duke sjellë një infrastrukturë moderne dhe kushte më të mira për banorët e kësaj zone. Ecurinë e punimeve e inspektuan Kryetari i Këshillit të Komunës së Çairit, Muhamed Murtezi, dhe Ministri i Mjedisit Jetësor dhe Planifikimit Hapësinor, Muhamed Hoxha, të cilët u njohën nga afër me fazën përfundimtare të realizimit të projektit.

Punimet përfshijnë ndërtimin e rrjetit të kanalizimit fekal, rindërtimin e rrjetit të ujësjellësit për çdo shtëpi, ndërsa aktualisht po realizohen punimet për asfaltimin e rrugës dhe ndërtimin e trotuareve, duke kompletuar kështu investimin në këtë pjesë të lagjes Dizhon.

Burim: Tetova Sot, https://tetovasot.com/2026/08/punimet-ne-rrugen-faik-konica-po-i-afrohen-perfundimit/ — Redaksia ZHURMA