Pse u shoqërua në polici djali i ish-dhjetoristit Ilir Dizdari?
Shoqërimi i protestuesit Ali Dizdari në polici sjell në vëmendje kontrastin me babanë e tij dhjetorist, i cili nuk u prek në fundin e regjimit komunist.
TIRANË — Pas dy javësh protesta të pandalshme në rrugët e Tiranës kundër qeverisë, Policia e Shtetit ka nisur shoqërimin e protestuesve. Aksioni po përqendrohet te marshimet e konsideruara të palejuara, ndërkohë që tubimi para Kryeministrisë zhvillohet rregullisht.
Ky reagim vlerësohet si tendencioz, pasi bëhet fjalë për qindra pjesëmarrës që nuk mund të ndalohen me ligj. Kur protestat arrijnë masivitet të tillë, ato marrin legjitimitet që tejkalon procedurat formale. Së fundmi, bie në sy shoqërimi i disa djemve të besimit mysliman.
Në mesin e tyre është Ali Dizdari, i biri i Ilir Dizdarit, një prej studentëve dhjetoristë të vitit 1990. Babai i tij, ish-drejtor teknokrat në administratë, ishte pjesëmarrës në grevën e urisë që rrëzoi monumentin e diktatorit Enver Hoxha.
Ndryshimi i epokave sjell kontrast të fortë. Gjatë kohës së Ramiz Alisë, Ilir Dizdari nuk u shoqërua asmjëherë në polici për shkak të aktivizimit të tij. Ndërsa sot, nën qeverisjen e drejtuar nga Edi Rama, i biri i tij ka tjetër fat.
Sipas burimit, shoqërimi i këtyre të rinjve myslimanë shihet si mesazh intimidues nga pushteti për të frenuar këtë komunitet nga protestat. Ky qëndrim u shfaq që kur qeveria tentoi të ngrinte pretendime për ndikim iranian në xhamitë e vendit, gjë që konsiderohet e pavërtetë.
Prania e tyre në sheshe duket se shqetëson qeverinë, e cila po përdor presionin policor si mjet. Ky kontroll ngre pikëpyetje nëse pushteti po rrëshqet në nivele shtrëngimi që nuk u aplikuan as nga Ramiz Alia para rënies së regjimit.
Burim: Të Sheshi
— Redaksia ZHURMA