Pse nuk regjistrohen hyrjet e punëtorëve në komunën e Leposaviqit?
Zyra Kombëtare e Auditimit nuk gjen asnjë dëshmi për vijueshmërinë në komunën nën drejtimin e Lulzim Hetemir.
LEPOSAVIQ — Hyrjet dhe daljet e punëtorëve të Komunës së Leposaviqit gjatë vitit 2025 nuk janë të evidentuara askund, as përmes sistemeve elektronike as përmes dokumentacionit fizik, transmeton Gazeta Metro. Zyra Kombëtare e Auditimit (ZKA) ka zbuluar mungesën e plotë të dëshmive për vijueshmërinë e punës nën drejtimin e Lulzim Hetemir të Lëvizjes Vetëvendosje.
Komuna përdor lista ditore fizike ku punonjësit nënshkruhen, por në 2025 nuk u ofruan të tilla. Një sistem elektronik u instalua në dhjetor 2024, megjithatë s'funksionon ende sepse disa zyrtarë nuk posedojnë ID-të elektronike të kërkuara për t'u identifikuar si punonjës komunalë.
ZKA vlerëson se këto mangësi rrjedhin nga mungesë kontrollesh të brendshme. Pa asnjë sistem funksional për regjistrimin e vijueshmërisë, nuk mund të verifikohet se punonjësit kanë kryer punën për të cilën marrin pagë.
Burim: Gazeta Metro
— Redaksia ZHURMA