Pse bulevardi i Gjilanit u ndërtua pa leje ndërtimore?
Çfarë thonë asamblistët e LDK-së dhe PDK-së për projektin 18-milionësh në qendër të Gjilanit?
GJILAN — Episodi i 25-të i emisionit POV të Nacionales hulumtoi situatën e bulevardit të Gjilanit, projektin 18-milionësh që sipas partive opozitare u realizua pa leje ndërtimore. Asamblistja e LDK-së, Gresa Avdiu, dhe deputeti i PDK-së, Burhan Isufi, u ftuan në emision, ku diskutuan mungesën e transparencës në proces.
Avdiu dhe Isufi theksuan se projekti u zbatua pa konsultim me opozitën dhe pa dokumentacion të duhur. Ndërkohë, asamblistët e Vetëvendosjes në Gjilan nuk iu përgjigjën ftesës për të komentuar. Gazetari Burim Pacolli prezantoi gjithashtu raportimet e tij për gjendjen e rrugëve në Kosovë, duke theksuar problemet në "rrethin e Gorenjes" dhe rrugën Prishtinë-Hajvali.
Emisioni trajtoi edhe tema të tjera, duke përfshirë situatën e Badocit, ku u vlerësua nëse premtimet e qeverisë për këtë zonë u mbajtën.
Burim: Nacionale
— Redaksia ZHURMA