Protestuesja: Rama ka krizë në PS dhe bashkëpunon me mafian
Protesta para Kryeministrisë arrin ditën e 169-të, ndërsa qytetarët kërkojnë largimin e qeverisë dhe ndryshimin e sistemit politik.
Redaksia ZHURMA · · 1 min lexim
Protesta kundër qeverisë ka hyrë në ditën e 169-të radhazi para Kryeministrisë, ku qytetarët kërkojnë largimin e kryeministrit Edi Rama dhe ndryshimin e sistemit politik. Në një prononcim, një prej protestueseve deklaroi se vendi po përballet me një shtet që bashkëpunon me mafian dhe krimin, ndërsa shtoi se qeveria e konsideron Shqipërinë si pronë të tyren.
Ajo u shpreh se protestat e zgjatura dëshmojnë dështimin e ekzekutivit dhe theksoi se kërkohen zgjedhje të lira. Sipas saj, flamingoja ishte simboli i kauzës së tyre, kurse Narta u cilësua si pika që derdhi kupën, duke akuzuar kreun e qeverisë se po përpiqet të përçajë sheshin ndërkohë që vetë përballet me krizë brenda Partisë Socialiste.