Protestuesit sulmojnë Ministrinë e Brendshme, policia hedh gaz lotsjellës
Turma sulmon sërish hyrjen e Ministrisë së Brendshme gjatë ditës së tretë të protestave në Tiranë, ndërsa forcat e rendit ndërhyjnë me gaz lotsjellës.
Redaksia ZHURMA · · 1 min lexim
Protestuesit janë mbledhur edhe një herë pranë godinës së Ministrisë së Brendshme, duke tentuar të hapin derën e institucionit dhe duke sulmuar me sende të forta pjesën e hyrjes. Ministria është sulmuar disa herë gjatë këtyre tri ditëve, ndërsa një pjesë e fasadës është sulmuar dhe shkatërruar me gurë dhe sende të forta. Për të shpërndarë turmën e mbledhur, policia ka ndërhyrë duke hedhur sasi të mëdha gazi lotsjellës nga tarraca e godinës, duke detyruar protestuesit të tërhiqen për momentin pa mundur të futen brenda ambienteve. Kjo situatë zhvillohet në kuadrin e protestës së studentëve në Tiranë, pjesëmarrësit e së cilës vijojnë të kërkojnë largimin e kryeministrit Edi Rama.
