Pse protestuesit në Tiranë pyesin policinë: 'Ku e ke procesverbalin'?
Çfarë ndodhi kur policia u përpoq të largonte protestuesit nga shkallët e Kryeministrisë?
TIRANË — Protestuesit që kanë qëndruar përgjatë gjithë natës pranë Kryeministrisë në Tiranë u përballën me policinë pas përpjekjeve të kësaj të fundit për t’i larguar. Efektivët blu u përpoqën të sekuestrojnë karriget metalike dhe këpucët e lëna në shkallë, por protestuesit i kundërshtuan ashpër.
Disa prej tyre, duke filmuar momentin, pyetën me megafon: "Ku e ke procesverbalin?". Tensionet u rritën kur një grua mori këpucë dhe i flakur drejt godinës, ndërsa protestuesit akuzuan policinë për dhunë dhe provokim. "Ja hajdutëria! Kjo është dhuna policore", dëgjohej në video.
Në një moment, një polic u afrua dhe i hoqi kamerën një protestuesi, gjë që shkaktoi reagime të ashpra. Qytetarët kërkuan kthimin e pajisjes, duke theksuar të drejtën e tyre për të filmuar, derisa policia ia ktheu celularin. Protestuesit kërkuan gjithashtu praninë e policeve femra gjatë ndërhyrjes.
Burim: Shqiptarja.com
— Redaksia ZHURMA