Protestuesit afrohen te hyrja e Qeverisë në ditën e tretë për vrasjen e Arlindës

Protestuesit janë afruar pranë hyrjes së Qeverisë duke brohoritur “Dilni jashtë!” dhe duke kërkuar përgjegjësi për vrasjen e Arlinda Zekajt në Vitomiricë të Pejës. Kjo është dita e tretë radhazi që Kolektivi Për Mendim dhe Veprim Feminist zhvillon këtë protestë, e cila po mbahet pikërisht në kohën kur ministrja e Drejtësisë, Donika Gërvalla, dhe ministri i Punëve të Brendshme, Xhelal Sveçla, pritet të mbajnë konferencë për media.

Gjatë dy ditëve të kaluara, protestuesit kanë kërkuar dorëheqjen e Gërvallës dhe Sveçlës, kurse ditën e djeshme kërkesat e tyre përfshinin edhe burgosje.