Protestë në Bogdanci për vrasjen e 17-vjeçares Biljana Kiriq

Një tubim paqësor ka mbledhur qytetarët në parkun e Bogdancit, të cilët kanë ndezur qirinj dhe kanë mbajtur pankarta me thirrje kundër dhunës ndaj grave, duke kërkuar llogaridhënie për vdekjen e të miturës Biljana Kiriq. Ky krim ka lënë të tronditur banorët e këtij vendbanimi, ndërkohë që autoritetet kanë nisur verifikimet e duhura mbi veprimet e institucioneve përgjegjëse.

Inspektorati social ka ndërmarrë një kontroll të jashtëzakonshëm në Qendrën për Punë Sociale në Gjevgjeli, për të shqyrtuar reagimin dhe masat e ndërmarra ndaj rrethanave në të cilat ndodhej vajza, kurse rezultatet pritet të publikohen ditët në vijim. Nga ana tjetër, kreu i Byrosë për Siguri Publike njoftoi se forcat policore kishin ndërhyrë në terren menjëherë pas denoncimit, duke shoqëruar partnerin e vikumat, i cili më pas u la i lirë me vendim të prokurorit publik, pavarësisht se ndaj tij u ngrit kallëzim penal, u caktua masë mbrojtëse e përkohshme dhe u hartua një plan sigurie.