Kërcënoi ish-pronarët me thikë për mëditjet — procedohet 30-vjeçari në Shkup
Kërcënoi me thikë pronarët pasi nuk ia paguan mëditjet
SHKUP — Prokuroria Themelore Publike e Shkupit ka nisur procedurë kundër një person, pasi ekziston dyshimi i bazuar se ka kryer veprën penale “Rrezikim me mjet të rrezikshëm gjatë përleshjes ose grindjes”, sipas nenit 133, paragrafi 1 të Kodit Penal.
I dyshuari, 30 vjeç, u është kanosur me thikë dy bashkëshortëve, pronarë të kompanisë ku ai kishte punuar, duke kërkuar pagesën e mëditjeve të fundit të papaguara.
Më 21 korrik, pasdite, kur bashkëshortët po largoheshin me automjetin e tyre nga kompania në fshatin Trubarevë, i dyshuari ua bllokoi rrugën duke u vendosur përpara automjetit me një thikë në duar.
Prokurori publik i ka dorëzuar gjyqtarit të procedurës paraprake në Gjykatën Themelore Penale në Shkup propozim për caktimin e masave të kujdesit ndaj të dyshuarit, përkatësisht ndalim për largim nga vendbanimi ose vendqëndrimi, sekuestrim të përkohshëm të dokumentit të udhëtimit dhe ndalim për t’iu afruar personave të dëmtuar.
Burim: Portbalb
— Redaksia ZHURMA
Të ngjashme
sipas temës · #maqedoni
Policia financiare padit pronarin në Strugë për shmangie tatimore prej 131,000 eurosh
Përleshen në udhëkryq të Tetovës — arrestimi zbulon katër paketime marihuanë
Ndalohet uji i pijshëm në Vallandovë — analizat zbulojnë arsenik
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.