Si reagoi Kryeprokuroria pasi prokurori Prekazi u kërcënua në seancë?
Zyra e Kryeprokurorit të Shtetit dënoi kërcënimin ndaj prokurorit Muharrem Prekazi gjatë seancës gjyqësore në Mitrovicë.
Redaksia ZHURMA · · Përditësuar · 1 min lexim
MITROVICË — Zyra e Kryeprokurorit të Shtetit ka dënuar ashpër kërcënimin ndaj prokurorit të Prokurorisë Themelore në Mitrovicë, Muharrem Prekazi, gjatë zhvillimit të një seance gjyqësore.
Përmes një komunikate, Zyra e Kryeprokurorit njoftoi se ndaj personit përgjegjës janë ndërmarrë menjëherë të gjitha veprimet e nevojshme ligjore. "Çdo tentativë për të frikësuar apo penguar prokurorët e shtetit në ushtrimin e detyrës së tyre zyrtare është e papranueshme dhe nuk do të tolerohet në asnjë formë", thuhet në komunikatë.
Zyra shprehu gjithashtu mbështetjen institucionale për prokurorin Prekazi dhe për të gjithë prokurorët e shtetit.
Burim: RTV21
— Redaksia ZHURMA
