Ku janë më të gjata pritjet në kufi?
Qendra Kombëtare për Menaxhim Kufitar raporton se fluksi me të madh ka në pikën kufitare në Muçibanë
— PRISHTINË — Qendra Kombëtare për Menaxhim Kufitar ka përditësuar të dhënat mbi gjendjen në pikat kufitare të Kosovës. Sipas raportimit të IndeksOnline, bazuar në të dhënat e fundit, fluksi më i madh për hyrje në Kosovë është raportuar në pikën kufitare të Muçibanës. Në këtë pikë kufitare, pritjet zgjasin deri në 1 orë, ndërsa kolona e automjeteve është rreth 1 kilometër.
Gjithashtu, pritje ka edhe në pikën kufitare të Dheu i Bardhë, ku për të hyrë në Kosovë pritjet momentalisht zgjasin deri në 20 minuta. Kurse në pikat e tjera kufitare, situata vazhdon të jetë e qetë dhe hyrje-daljet nuk po zgjasin më shumë se 5 minuta. Përditësimi i fundit i të dhënave nga Qendra Kombëtare për Menaxhim Kufitar është bërë në ora 22:39.
Burim: IndeksOnline
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.