Presidenti i Kroacisë Zoran Milanoviq pritet ta vizitojë Kosovën në dhjetor
Kreu i shtetit kroat paralajmërohet të vijë në Kosovë më 10 dhjetor, sipas paralajmërimeve diplomatike.
Redaksia ZHURMA · · Përditësuar · 1 min lexim
Presidenti i Kroacisë, Zoran Milanoviq, paralajmërohet të vizitojë Kosovën në fillim të muajit dhjetor. Vizita e kreut kroat të shtetit pritet të realizohet më 10 dhjetor të këtij viti, bazuar në të dhënat diplomatike të bëra të ditura.
Gjatë vizitës së fundit zyrtare dyditore në dhjetor të vitit 2021, ai ishte takuar me udhëheqësit e institucioneve të Kosovës, përfshirë ish-presidenten Vjosa Osmani, kryeministrin Albin Kurti dhe ish-kryetarin e Kuvendit, Glauk Konjufca.
Në atë periudhë, kreu i shtetit kroat kishte vizituar gjithashtu Janjevën, pjesëtarët e komunitetit kroat në vend dhe ushtarët kroatë të angazhuar në misionin e KFOR-it. Ai kishte shprehur përkrahjen e Kroacisë për rrugën euroatlantike të Kosovës dhe angazhimin për njohjen e mëtejshme të shtetësisë.
