Policia nis hetimet për vdekjen e një gruaje pas kontrollit në QKMF në Klinë
Një grua ka ndërruar jetë pasi iu përkeqësua gjendja gjatë kontrollit mjekësor në Klinë dhe u dërgua në Spitalin e Pejës.
Redaksia ZHURMA · · Përditësuar · 1 min lexim
Policia e Kosovës ka nisur hetimet lidhur me vdekjen e një gruaje, gjendja e së cilës u përkeqësua gjatë një kontrolli mjekësor në Qendrën Kryesore të Mjekësisë Familjare në Klinë. Sipas raportit policor, rasti ka ndodhur gjatë ditës së premte, ndërsa viktima është dërguar fillimisht për trajtim mjekësor në qendrën lokale.
Gjatë kontrollit në këtë qendër, asaj i është keqësuar gjendja shëndetësore dhe është transportuar me autoambulancë drejt Spitalit Rajonal të Pejës. Me të arritur në spital, mjekët kujdestarë kanë konstatuar se ajo ishte pa shenja jete. Në konsultim me prokurorin e shtetit, trupi i pajetë i viktimës është dërguar në Institutin e Mjekësisë Ligjore për obduksion, kurse autoritetet e kanë iniciuar rastin zyrtarisht si «Hetim i vdekjes».
