Policia nis kontrollet për zhurmat — jo më shumë se 45 decibel pas orës 20:00
Ministri Besfort Lamallari paralajmëroi masa ndaj subjekteve që tejkalojnë kufirin e ri prej 45 decibelësh të vendosur për orët e mbrëmjes.
TIRANË — Policia e Shtetit ka intensifikuar monitorimet në të gjithë vendin për të respektuar nivelet e lejuara të zhurmave gjatë sezonit turistik. Ministri i Punëve të Brendshme, Besfort Lamallari, deklaroi se ndotja akustike nuk do të tolerohet më dhe se qetësia e pushuesve duhet të garantohet patjetër.
Sipas udhëzimit të rishikuar për zhurmat, në intervalin kohor nga ora 20:00 deri në 24:00, niveli i lejuar i matur në mjediset publike është deri në 45 decibel. Ky kufizim i ri veror synon të ruajë qetësinë publike dhe të krijojë mjedise sa më të përshtatshme për qytetarët dhe vizitorët.
Ministri Lamallari paralajmëroi se subjektet që lëshojnë muzikë mbi këto norma do të përballen me pasojat dhe ndëshkimet ligjore. Ndërkohë, kontrollet e Policisë po kryhen në zbatim të drejtpërdrejtë të këtij udhëzimi, duke vënë në shënjestër subjektet në të gjitha zonat bregdetare e turistike të vendit.
Burim: ATSH
— Redaksia ZHURMA