Plakolli: Dyshime për marrëveshje të fshehtë mes Abdixhikut dhe VV-së

Gëzim Plakolli, kryetar i degës së Lidhjes Demokratike të Kosovës në Mitrovicë, ka shprehur dyshime publike për një marrëveshje të mundshme të fshehtë ndërmjet kryetarit të partisë, Lumir Abdixhiku, dhe Lëvizjes Vetëvendosje. Gjatë një paraqitjeje televizive, ai ka kritikuar drejtuesin e partisë për takimet e zhvilluara me persona që vazhdojnë të mbështesin bashkëpunimin me Faton Pecin, ndonëse dega lokale kishte marrë vendim për t'u larguar nga ai koalicion.

Duke elaboruar situatën e brendshme, Plakolli ka kujtuar se gjatë periudhës së diskutimeve për çështjen e presidentit, udhëheqja qendrore kishte kritikuar ashpër gjashtë deputetë që nuk kishin mbështetur marrëveshjen. Sipas tij, ndërsa atëherë kërkohej zbatimi i vendimeve, tash e tetë muaj prej muajit shkurt disa njerëz brenda partisë nuk po i qëndrojnë pas vendimeve të degës në Mitrovicë, duke e bërë situatën të paqartë dhe duke ngritur pyetjen mbi ekzistencën e ndonjë paji të fshehtë me Lëvizjen Vetëvendosje.

Gjithashtu, kreu i degës ka përmendur sfidat e kaluara gjatë tre viteve të udhëheqjes së tij, periudhë në të cilën ka kaluar nëpër pesë procese zgjedhore, duke përfshirë tri palë zgjedhje nacionale, zgjedhjet lokale dhe balotazhin, ndërsa ka theksuar se nuk e ka gjetur përkrahjen e premtuar nga niveli qendror i partisë.