Kurti takon personalitete franceze në Paris para Forumit të Paqes
Kryeministri Albin Kurti u takua me personalitete franceze që kanë kontribuuar për Kosovën, gjatë vizitës së tij në Paris.
Redaksia ZHURMA · · 1 min lexim
Kryeministri i Kosovës, Albin Kurti, para nisjes zyrtare të Forumit të Paqes në Paris, zhvilloi takime me personalitete franceze që kanë dhënë kontribut për Kosovën në fusha të ndryshme. Sipas njoftimit të Zyrës së Kryeministrit, në këtë takim u diskutua për zhvillimin ekonomik, integrimin euroatlantik dhe investimet në siguri e mbrojtje.
Pjesë e takimit ishin ish-ministri i Mbrojtjes Alain Richard, oficer i ushtrisë Gilles Pernet, antropologia Véronique Nahoum-Grappe, drejtoresha e Qendrës Kulturore të Kosovës në Paris Frédérique Duversin, si dhe gazetarja Florence Hartmann. Kurti tha se gjatë bisedimeve u trajtuan përparimi demokratik, zhvillimi ekonomik, investimet në siguri dhe mbrojtje, si dhe angazhimi për korrigjimin e aktgjykimit të 16 shtatorit në apel.
