Pistorius: Marrëveshja e Trumpit me Rusinë për naftën – pasojë e presionit politike…

Ministri i Mbrojtjes të Gjermanisë, Boris Pistorius, tha se kthesa e fundit e presidentit amerikan Donald Trump drejt Rusisë është pasojë e presionit të fortë politik të brendshëm. “Trump e gjen veten me shpinë pas murit, ndërsa zgjedhjet e mesmandatit janë vetëm pak javë larg”, deklaroi Pistorius.

Sipas ATSH dhe Zhurnal.mk, ministri argumentoi se historia tregon se sa herë që liderët përballen me presion të brendshëm, ata kërkojnë një rrugëdalje përmes politikës së jashtme, dhe shprehu besimin se lëvizja e Trumpit do të ketë efekt të kundërt. Komentet erdhën pasi Trump njoftoi të premten një marrëveshje për furnizimin me qindra mijëra tonë naftë nga Rusia, pas një bisede me presidentin Vladimir Putin – lëvizje që shkaktoi kritika të ashpra nga aleatët evropianë dhe brenda Shteteve të Bashkuara.

Më 3 nëntor votuesit amerikanë do të zgjedhin të gjithë anëtarët e Dhomës së Përfaqësuesve dhe një të tretën e Senatit. Sondazhet tregojnë se demokratët kanë gjasa të marrin kontrollin e Dhomës, ndërsa rezultati për Senatin mbetet i pasigurt. Republikanët zotërojnë aktualisht shumicën në të dy dhomat e Kongresit; nëse demokratët fitojnë të dyja, aftësia e Trumpit për të vepruar gjatë pjesës së mbetur të mandatit do të kufizohet ndjeshëm.