Pesë thika dhe pajisje me simbole nacionaliste sekuestrohen në Jarinjë

Policia e Kosovës ka ndaluar dy persona në Pikën e Kalimit Kufitar në Jarinjë, pasi dyshonte për aktivitete të kundërligjshme ndërkufitare. Automjeti me targa të Serbisë, në të cilin ndodheshin të dyshuarit, u përzgjodh për kontroll në vijën e dytë.

Gjatë kontrollit, zyrtarët policorë gjetën dhe sekuestruan pesë thika, dy prej të cilave taktike/luftarake, një kamerë Go-Pro me mbajtës, dy bluza me simbole dhe mbishkrime nacionaliste, dy pajisje multi-funksionale, një flamur të Serbisë, një vulë me katër S dhe një kartë identifikimi.

Me autorizim të prokurorit, rasti u iniciua si "Mbajtja në pronësi, kontroll ose posedim të paautorizuar i armëve", ndërsa dy personat e dyshuar u dërguan në mbajtje.

Burimet: Kallxo; Bota Sot; Telegrafi; Ekonomia Online; Gazeta Dukagjini (klaster 6 outlets).