Çfarë nënkuptoi ministri Sveçla me hapjen e nënstacionit policor në Orllan?
Ministri i Brendshëm Xhelal Sveçla dhe drejtori i Policisë së Kosovës, kolonel Gazmend Hoxha, morën pjesë në ceremoninë e hapjes.
PODUJEVË — Policia e Kosovës ka përuruar sot nënstacionin policor në Orllan të Podujevës, duke e cilësuar si hap drejt rritjes së sigurisë publike dhe përmirësimit të shërbimeve për qytetarët e zonës.
Në ceremoni morën pjesë ministri i Punëve të Brendshme, Xhelal Sveçla, kryetari i Komunës së Podujevës, Shpejtim Bulliqi, dhe drejtori i Përgjithshëm i Policisë së Kosovës, kolonel Gazmend Hoxha. Policia thotë se po punon sipas Strategjisë së Integruar të Policimit të Drejtuar nga Inteligjenca.
"Nënstacioni Policor në Orllan dhe nënstacionet tjera policore do të kontribuojnë drejtpërdrejt në rritjen e sigurisë publike, forcimin e rendit dhe ligjit", thuhet në njoftimin e Policisë.
Burim: Telegrafi
— Redaksia ZHURMA