Çfarë ndodhi me personin e zhdukur në lumin Vardar?
Një trup i pajetë u nxjerr mbrëmë vonë nga ujërat e lumit Vardar
NEGOTINË — Një trup i pajetë është nxjerrë mbrëmë vonë nga ujërat e lumit Vardar, njoftojnë nga Qendra për Menaxhim me Kriza. QMK Rajonale – Veles na informoi për një person të zhdukur në ujërat e lumit Vardar në fshatin Crveni Bregovi, Komuna e Negotinës.
Ndërhynë Njësia Territoriale e Zjarrfikësve të Negotinës me 7 zjarrfikës dhe një ekip i Stacionit Policor të Negotinës. Në ora 20:20, pranë separacionit në Crveni Bregovi, në lumin Vardar, u gjet një trup i pajetë, i cili u dërgua për obduksion, njoftuan nga QMK. Sipas të dhënave të marra, bëhet fjalë për një person të gjinisë mashkullore, 76-vjeçar nga Negotina.
*Burim: Gazeta Express, https://www.gazetaexpress.com/nje-trup-i-pajete-eshte-nxjerre-mbreme-vone-nga-ujerat-e-lumit-vardar/*
*— Redaksia ZHURMA*